ថ្មីទៀតហើយ ពិតជាសាហាវមែន​!....ប្រទះឃើញសពស្ត្រីម្នាក់ក្នុងអណ្តូងទឹក សង្ស័យប្តីជាអ្នកសម្លាប់ រួចយកសពបោះចោលចូលក្នុងទីនោះ

ខេត្តកំពង់ស្ពឺ ៖ ប្រជាពលរដ្ឋបានប្រទះឃើញសពស្ដ្រីម្នាក់នៅក្នុងអណ្តូងទឹក ដោយសមត្ថកិច្ចដាក់ការសង្ស័យលើប្ដីជាអ្នកសម្លាប់ ។ ការប្រទះឃើញសពស្ត្រីរូបនេះ បានបង្កការភ្ញាក់ផ្អើលកាលពីវេលាម៉ោង១១និង៣០នាទី ថ្ងៃទី៣០ ខែមេសា ឆ្នាំ២០១៨ ស្ថិតនៅភូមិអូគគី ឃុំតាំងក្រូច ស្រុកសំរោងទង ខេត្តកំពង់ស្ពឺ ។

លោកយាយ ម៉ន ឡង អាយុ៥៦ឆ្នាំ ត្រូវជាម្តាយជនរងគ្រោះ រស់នៅក្បែរកន្លែងកើតហេតុ បានឲ្យដឹងថា កូនគាត់បានយកខោអាវទៅបោកគួក នៅអណ្តូងក្រោយផ្ទះហើយបានបាត់រហូតរយះពេល២ថ្ងៃ ស្រាប់តែថ្ងៃនេះមានការភ្ញាក់ផ្អើលប្រទះសាកសព ក្នុងអណ្តូងទឹកទើបរាយការណ៏មកសមត្ថកិច្ច ។

​​ 

ប្រភពពីលោកវរសេនីយ៍ត្រី វិន ឡេងហួង មេបញ្ជាការមូលដ្ឋានស្រុកសំរោងទង បានឲ្យដឹងថា ក្រោយពីធ្វើការសាកសួរឈ្មោះម៉ន ឡង គាត់និយាយថា គាត់បាត់កូូនស្រីឈ្មោះផៃ សុខគៀង ភេទស្រី អាយុ២០ឆ្នាំ មានប្តីឈ្មោះម៉ាប់ វុទ្ធី ហៅម៉ាប់ អាយុ២៤ឆ្នាំ(ស្រុកកំណើតខេត្តពោធិសាត់)បាត់ទាំង២នាក់តាំងពីយប់ថ្ងៃទី២៨ ខែមេសា ឆ្នាំ២០១៨ មកហើយទើបតែឃើញសាកសពមនុស្សស្រីជាប្រពន្ធក្នុងអណ្តូងនៅថ្ងៃនេះ ។

 ជំហ៊ានដំបូងសមត្ថកិច្ចបានសង្ស័យថា ប្ដីរបស់ជនរងគ្រោះ ជាអ្នកសម្លាប់ ព្រោះរូបគេបានបាត់ខ្លួនពីផ្ទះ៕

ប្រភព៖ www.khmernews.news