វិធីធ្វើ ឆាបាញ់កាញ់ការីសាច់គោ

+ គ្រឿងផ្សំ​
– សាច់គោ​ចិញ្ច្រាំ 4 ខាំ​កន្លះ​
– សរសៃ បាញ់​កាញ់ (​សរសៃ​បន្ទះ​ធំ​)
– ទឹកត្រី 1 ស្លាបព្រា​បាយ​
– ប្រេងខ្យង 2 ស្លាបព្រា​បាយ​
– ទឹកស៊ីអ៊ីវ 1 ស្លាបព្រា​បាយ​
– ម្ស៉ៅ​ការី 2 ស្លាបព្រា​កាហ្វេ​កន្លះ​
– ស្ករស 2 ស្លាបព្រា​កាហ្វេ​
– ខ្ទឹមបារាំង 1 ចំហៀង​ផ្លែ​
– ខ្ទឹមស 6 កំពឹស​
– ប៉េងប៉ោះ 2 ផ្លែ
– ទឹក​ស៊ុប​មាន់ 236 ml
– Dashes Worcestershire sauce (​ជា​ប្រភេទ​ទឹកស៊ីអ៊ីវ​លាយ​ទឹកខ្មេះ​) 1 ស្លាបព្រា​កាហ្វេ​

– ម្ស៉ៅ​ពោត 1 ស្លាបព្រា​បាយ​
– ម្រេច 1/2 ស្លាបព្រា​កាហ្វេ​
– ទឹកស៊ីអ៊ីវ​ខ្មៅ 2 ស្លាបព្រា​កាហ្វេ​
– ដើម​ភ្លៅកង្កែប
– ស្ពៃ​សាឡាដ៍​
– ស្ពៃក្ដោប​

+ វិធិ​ធ្វើ​
– យក​សាច់គោ​ចិញ្ច្រាំ​មក​ប្រឡាក់​ជាមួយ​ទឹកត្រី ច្របល់​វា​ឲ្យ​ចូលជាតិ បន្ទាប់មក​ដាក់​ម្ស៉ៅ​ចូល​ច្របល់​ម្ដងទៀត (​សាច់គោ​មុន​ប្រឡាក់​គួរ​ធ្វើ​ឲ្យ​វា​ដាច់ៗ​ចេញពី​គ្នា​កុំ​ឲ្យ​នៅជាប់ៗ​គ្នា ងាយស្រួល​ប្រឡាក់​គ្រឿង​ឆាប់​ចូលជាតិ​)
– ចិញ្ច្រាំ​ខ្ទឹមស ខ្ទឹមបារាំង ដាក់​រលីង​ក្នុង​ខ្ទះ បន្ទាប់មក​ដាក់​សាច់គោ​ចូល ជ្រុំៗ​សាច់គោ​ឲ្យ​បែក​ជា​ដុំ​តូច កុំ​ឲ្យ​ជាប់​គ្នា រួច​ហាន់​ប៉េងប៉ោះ​ជា​ដុំៗ​តូច​ល្មម​ដាក់ចូល​ឆា រួច​ដាក់​ប្រេងខ្យង ទឹកស៊ីអ៊ីវ ទឹក​ស៊ុប​មាន់ ស្ករស dashes Worcestershire sauce កូរ​វា​ឲ្យ​ចូលជាតិ​ទុក​ឲ្យ​ពុះ​ជិត​រីង​ទឹក ប្រហែល 15-20 នាទី
– យក​ម្ស៉ៅ​ពោត លាយ​ជាមួយ​ទឹក​ធម្មតា 2 ស្លាបព្រា​បាយ រួច​ចាក់​ចូល​ឆា ដាក់​ម្រេចស​ចូល កូរ​វា​ឲ្យ​សព្វ​ល្អ រួច​ដួស​ដាក់​ចាន ។​
– ដាក់​ខ្ទះ​ថ្មី​ដាក់​ប្រេងឆា​ចូល ឲ្យ​ក្ដៅ​បន្តិច សឹម​ដាក់​សរសៃ​បាញ់​កាញ់​ចូល ដាក់​ទឹកស៊ីអ៊ីវ​ខ្មៅ រួច​កូរ​វា​ឲ្យ​សព្វ​ល្អ ឆា​វា​ចុះឡើង​ប្រហែល 3 នាទី ដួស​ដាក់​ចាន​
– ហាន់​ដើម​ភ្លៅកង្កែប (​យកតែ​បន្ទះ​ដើម​ក្នុង​ដែល​ខ្ចី ពណ៌​ត្រួយ​ចេក​) កន្លះ​ចានចង្កឹះ រួច​ដាក់ចូល​ចាន សាច់គោ​ឆា ច្របល់​វា​ឲ្យ​សព្វ រួច​រៀប​សាឡាដ៍ និង​ស្ពៃក្ដោប​យកតែ​សន្លឹក​បន្ទាប់​ស្នូល​ខាងក្នុង​ដែល​ខ្ចីៗ រៀប​ដាក់​ចាន រួច​ដាក់​បាញ់​កាញ់​ពីលើ ដួស​សាច់គោ​ឆា​ដាក់​ពីលើ​រួច​ជាការ​ស្រេច ៕ 

ប្រភព​: Hot Thai Kitchen​