វិធីធ្វើ បង្គា​ឆា​ម្រេច​

+ គ្រឿងផ្សំ​
– បង្គា 300g
– ប្រេងខ្យង 2 ស្លាបព្រា​បាយ​
– ទឹកស៊ីអ៊ីវ 1 ស្លាបព្រា​បាយ​កន្លះ​
– ស្រា​ចម្អិនម្ហូប 1 ស្លាបព្រា​បាយ​
– ទឹក​ស៊ុប​មាន់ 4 ស្លាបព្រា​បាយ​
– ស្ករស 2 ស្លាបព្រា​កាហ្វេ​
– ម្រេចខ្មៅ 1 ស្លាបព្រា​បាយ​កន្លះ​
– ខ្ទឹមស 5 កំពឹស​
– ដើម​ជី​វ៉ាន់ស៊ុយ 4-5 សរសៃ​នៃ​ដើម​
– ខ្ទឹមបារាំង 1 ចំហៀង​
– ម្ទេស​ប្លោក​ក្រហម 1/3 នៃ​ផ្លែ​

+ វិធី​ធ្វើ​
– ដំបូង​យក​ប្រេងខ្យង ទឹកស៊ីអ៊ីវ ស្រា​ចម្អិនម្ហូប ទឹក​ស៊ុប​មាន់ ស្ករស លាយ​ចូលគ្នា​កូរ​ឲ្យ​រលាយ​សព្វ​ល្អ ។​
– បុក​ម្រេច​ឲ្យ​ម៉ដ្ឋ ចិញ្ច្រាំ​ខ្ទឹមស ហាន់​ដើម​ជីវ៉ា​ន់​ឲ្យ​ល្អិតៗ ហាន់​ខ្ទឹមបារាំង ហាន់​ម្ទេស​ប្លោក ទុក​មួយអន្លើ យក​បង្គា​កាត់​ពុកមាត់​វា​ចេញ កាត់​ខាងលើ​ខ្នង​វា ដើម្បី​យក​អាចម៍​វា​ចេញ ប៉ុន្តែ​មិនចាំបាច់​បកសម្បក​ចេញ​ទេ រួច​លាង​ឲ្យ​ស្អាត ។​
– ដាក់​ខ្ទះ​ដាក់​ប្រេងឆា រលីង​ខ្ទឹមស ជាមួយ​ម្រេច ប្រហែល​កន្លះ​នាទី ឲ្យ​មាន​ក្លិន​ឈ្ងុយ រួច​ដាក់​ដើម​ជី​វ៉ាន់ស៊ុយ​ចូល កូរ​វា​បន្តិច​សឹម​ដាក់​ទឹក​ប្រេងខ្យង​ដែល​លាយ​ហើយ​ចូល ទុក​ឲ្យ​ពុះ​រីង​បន្តិច​ដាក់ បង្គា​ចូល​ឆា​ត្រឡប់​ចុះឡើង​ឲ្យ​ចូល​គ្រឿង​ជាមួយ​បង្គារ បន្ទាប់មក​ដាក់​ខ្ទឹម​បា​រាង ម្ទេស​ប្លោក​ចូល ថែម​ទឹក​ធម្មតា​បន្តិច ឆា​កូរ​វា​ចុះឡើង ឲ្យ​ឆ្អិន ដួស​ដាក់​ចាន រួច​ជាការ​ស្រេច ៕ ប្រភព​: Hot Thai Kitchen​