ភ្នំពេញ៖ ក្រសួងសុខាភិបាល បានប្រកាសថា នឹងចាត់វិធានការតាមផ្លូវច្បាប់ ចំពោះបុគ្គលឈ្មោះ ជា សុខហេង និងបដិសេធទាំងស្រុង ចំពោះអត្ថបទ ដែលបានចុះផ្សាយថា លោកវេជ្ជបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាលកម្ពុជា បានប្រកាសទទួលលោកគ្រូ ជា សុខហេង ថាពិតជាមានសមត្ថភាព និងជំនាញច្បាស់លាស់ ក្នុងការព្យាបាលយ៉ាងពិតប្រាកដមែន ព្រមទាំងអនុញ្ញាតឲ្យលោកគ្រូបន្តការព្យាបាលមនុស្ស គ ថ្លង់ ទៀតផង។
យោងតាមខ្លឹមសារទាំងស្រុង របស់ក្រសួងសុខាភិបាល ដែលបានបង្ហោះក្នុងបណ្ដាញទំនាក់ទំនងសង្គមហ្វេសប៊ុករបស់ក្រសួង នៅថ្ងៃទី១៤ ខែតុលា បានបញ្ជាក់ថា “ក្រសួងសុខាភិបាល បដិសេធការចុះផ្សាយព័ត៌មានមួលបង្កាច់របស់បណ្ដាញសារព័ត៌មានក្នុងស្រុកស្តីពីលោកគ្រូឈ្មោះ ជា សុខហេង ដែលបានចុះផ្សាយថា ឯកឧត្តមវេជ្ជបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាលកម្ពុជាបានប្រកាសទទួលលោកគ្រូ ជា សុខហេង ថាពិតជាមានសមត្ថភាព និងជំនាញច្បាស់លាស់ ក្នុងការព្យាបាលយ៉ាងពិតប្រាកដមែនព្រមទាំងអនុញ្ញាតឲ្យលោកគ្រូ បន្តការព្យាបាលមនុស្ស គ ថ្លង់ ទៀតផង។ អត្ថបទនេះបានធ្វើឲ្យ ប្រជាពលរដ្ឋកម្ពុជាមានការយល់ច្រឡំមកលើក្រសួងសុខាភិបាល ដែលបណ្តាលឲ្យប៉ះពាល់ ដល់កេរ្តិ៍ឈ្មោះវិស័យសុខាភិបាលកម្ពុជា។
ដូចនេះ ក្រសួងសុខាភិបាល ស្នើឲ្យគេហទំព័រដើមអម្ពិល ធ្វើការកែសម្រួលជាបន្ទាន់ ហើយក្រសួងសុខាភិបាល នឹងចាត់វិធានការ តាមផ្លូវច្បាប់ចំពោះ បុគ្គលឈ្មោះ ជា សុខហេង”។ លោកវេជ្ជបណ្ឌិតម៉ម ប៊ុនហេង រដ្ឋមន្ដ្រីក្រសួងសុខាភិបាលកម្ពុជា ក៏បានអះអាងដែរថា “ក្នុងនាមខ្ញុំជារដ្ឋមន្ត្រីក្រសួងសុខាភិបាល សូមប្រកាសមិនដែលទទួលស្គាល់ជំនាញព្យាបាលជំងឺរបស់បុគ្គល ជា សុខហេង ដូចដែលគេអះអាងថាជាគ្រូព្យាបាលជំងឺ គ ថ្លង់ នោះទេ។
ក្រសួងសុខាភិបាល សូមប្រកាសបដិសេធយ៉ាងដាច់ហង្ការចំពោះការលើកឡើងរបស់បុគ្គលនេះ និងសូមធ្វើឲ្យអាជ្ញាធរ មានសមត្ថកិច្ចចាត់វិធានការតាមផ្លូវច្បាប់ចំពោះបុគ្គលដែលអះអាងខាងលើនេះ”។
គួររំលឹកងថា កន្លងទៅថ្មីៗនេះ មានសារព័ត៌មានក្នុងស្រុកមួយចំនួនបានចុះផ្សាយថា “ក្រោយពីបានបញ្ជាឲ្យមន្ត្រីជំនាញចុះទៅត្រួតពិនិត្យ សិក្សាវាយតម្លៃអំពីសមត្ថភាព លោកគ្រូ ជា សុខហេង ដែលគេល្បីតៗគ្នាថា ចេះព្យាបាលមនុស្សគ ថ្លង់ ឲ្យនិយាយនិងស្ដាប់បានឡើងវិញ តាមរយៈការចាប់សរសៃនោះ លោក ម៉ម ប៊ុនហេង រដ្ឋមន្ត្រីក្រសួងសុខាភិបាលកម្ពុជាបានប្រកាសទទួលស្គាល់លោកគ្រូ ជា សុខហេង ថាពិតជាមានសមត្ថភាព និងជំនាញច្បាស់លាស់ ក្នុងការព្យាបាលយ៉ាងពិតប្រាកដមែនព្រមទាំងអនុញ្ញាតឲ្យលោកគ្រូ បន្តការព្យាបាលមនុស្សគ ថ្លង់ទៀតផង។
គួររំលឹកងថា កន្លងទៅថ្មីៗនេះ មានសារព័ត៌មានក្នុងស្រុកមួយចំនួនបានចុះផ្សាយថា “ក្រោយពីបានបញ្ជាឲ្យមន្ត្រីជំនាញចុះទៅត្រួតពិនិត្យ សិក្សាវាយតម្លៃអំពីសមត្ថភាព លោកគ្រូ ជា សុខហេង ដែលគេល្បីតៗគ្នាថា ចេះព្យាបាលមនុស្សគ ថ្លង់ ឲ្យនិយាយនិងស្ដាប់បានឡើងវិញ តាមរយៈការចាប់សរសៃនោះ លោក ម៉ម ប៊ុនហេង រដ្ឋមន្ត្រីក្រសួងសុខាភិបាលកម្ពុជាបានប្រកាសទទួលស្គាល់លោកគ្រូ ជា សុខហេង ថាពិតជាមានសមត្ថភាព និងជំនាញច្បាស់លាស់ ក្នុងការព្យាបាលយ៉ាងពិតប្រាកដមែនព្រមទាំងអនុញ្ញាតឲ្យលោកគ្រូ បន្តការព្យាបាលមនុស្សគ ថ្លង់ទៀតផង។
ចំណាត់ការរបស់ក្រសួងសុខាភិបាលនេះ បានធ្វើឡើងបន្ទាប់ពីប្រជាពលរដ្ឋល្បីតៗគ្នាថា លោកគ្រូ ជា សុខហេង ដែលមានស្រុកកំណើត ក្នុងខណ្ឌច្បារអំពៅ ចេះព្យាបាលមនុស្សគ ថ្លង់ ឲ្យអាចស្ដាប់និងនិយាយបានឡើងវិញ ហើយអ្នកពិការមួយចំហៀងខ្លួនអាចដើរឬមានចលនាឡើងវិញ ជាពិសេសមានការឃោសនាខ្លាំងតាមរយៈបណ្ដាញ ទំនាក់ទំនងសង្គមហ្វេសប៊ុក”៕ ប្រភព៖ www.everyday.com.kh
No comments:
Post a Comment