ភាពយន្តភាគដែលនឹង ចំនាយទុនផលិតខ្ពស់របស់ ទូរទស្សន៍ហង្សមាសបានចាប់ផ្តើម ដំណើរការផលិត ជាបន្តបន្ទាប់ហើយ។ ទោះមិនបង្ហាញជាផ្លូវការ ក្តីក៏តាមការទម្លាយរបស់ តារាស្រីល្បីឈ្មោះម្នាក់ បានបង្ហើបថា ភាពយន្តភាគថ្មីរឿង”រាជនីភូមិគ្រឹះ” បានចាប់ផ្តើមដំណើរការផលិត ហើយដែលមានតារាសម្តែង ជាច្រើនចូលរួមសម្តែង ហើយតំណែងតួឯកគឺ លោក ហ្សូណូ និងកញ្ញា សុគន្ធ នីសា។
ប្រភពបញ្ជាក់ថា ក្នុងរឿងនេះគេចំណាយ ទុនផលិតខ្ពស់ព្រោះតែជាភាពយន្ត ដែលពណ៌នាអំពីទិដ្ឋភាព នាសម័យបារាំង និងត្រូវថតនៅតំបន់មួយ ចំនួនដែលត្រូវនឹងសាច់រឿង ដូចជាខេត្ត បាត់ដំបង សៀមរាប និងរាជធានីភ្នំពេញ។ប្រភពបន្តថា ភាពយន្តនេះត្រូវបានដឹកនាំសម្តែង ដោយលោក កៅ សីហា និងនិពន្ធដោយលោក យូ សុភា ដែលជាកវីនិពន្ធធ្លាប់ ទទួលបានពានរង្វាន់ជាច្រើន បន្តបន្ទាប់ក្នុងការតែងនិពន្ធ។
មានការលើកឡើងដែរថា ភាពយន្តនេះនឹង ត្រូវចំណាយរយៈពេលច្រើន ជាង៣ខែ ដែលតារាសម្តែងភាគច្រើនជាតារាល្បីៗ ជាច្រើនរូប។ ក្នុងរឿងនេះសុគន្ធ នីសា នឹងត្រូវសម្តែង ជាតួប្រពន្ធទី៤របស់ ហ្សូណូ ខណៈដែលតួអង្គ ប្រពន្ធផ្សេងទៀតមាន តារាស្រី អ្នកនាង ចន ច័ន្ទលក្ខិណា អ្នកនាងលី ម៉ារីណា កញ្ញា សូដានីតាជាដើម។ ប្រភពបន្តថា ហ្សូណូ សម្តែងជាតួលោកម្ចាស់ ដែលមានទ្រព្យសម្បត្តិ និងអំណាច និងមានភរិយា បន្តបន្ទាប់គ្នារ ហូតដល់ទៅបួននាក់។
ក្រៅពីជាភាពយន្តភាគខ្នាតធំ ភាពយន្តនេះនឹង ក៏នឹងជាភាពយន្តដែលគាស់ រំលើងបង្ហាញពីតថភាព នាសម័យអាណា និគមនិយមបារាំង ឲ្យទស្សនិកជនបានស្គាល់ផងដែរ។ ការផ្តល់តំណែងជា តួឯកសម្រាប់តារាស្រីសុគន្ធ នីសា ព្រោះតែរូបសម្រស់តូចច្រឡឹង ស្រគត់ស្រគុំរបស់នាង សាកសមទៅនឹងសាច់រឿង និងស្របពេលដែលផលិតកម្ម ចង់លើកមុខមាត់ តារាស្រីរូបនេះក្រោយពីវិល ចូលទ្រនុំហង្សមាសវិញ បន្ទាប់ពីចាកចេញទៅជ្រកក្រោមដំបូលផលិតកម្មថោន អស់មួយខ្សល់ធំ៕ ប្រភព៖ an2day.co
No comments:
Post a Comment