មានគ្រោះថ្នាក់ចរាចរណ៍មួយបានកើតឡើងនៅក្រុងបាវិតគួរអោយរន្ធ

ព្រលឹមថ្ងៃទី២៧/០៩/២០១៧ វេលាប្រហែលម៉ោង៣:៣០ មានគ្រោះថ្នាក់ចរាចរណ៍មួយបានកើតមានឡើងនៅខាងមុខឈៀងខាងកើតនៃសាលាបឋមសិក្សាហ៊ុនសែន​បាវិត ស្ថិតនៅភូមិតាបឹបសង្កាត់បាវិត ក្រុងបាវិតខេត្តស្វាយរៀង។គ្រោះថ្នាក់នេះបង្កដោយរថយន្ត០១គ្រឿងម៉ាកកាមរីស្លាកលេខ ភ្នំពេញ2C5920បើកបរមកពីទិសខាងកើតទៅលិច​ មកដល់កន្លែងកើតហេតុ បានរេចង្កូតមកខាងស្តាំបុកបង្គោលភ្លើង១ដើមប៉ាន់ណូ១ផ្ទាំង ដើមជ្រៃ១ដើម បង់អង្គុយលេង១ឈុត ធុងបូមខ្យល់១គ្រឿង។តាមព័ត៌មានមិនច្បាស់ថាក្នុងរថយន្តមានគ្នា៥នាក់ ប្រជាពលរដ្ឋនៅជិតកន្លែងកើតហេតុបានជួយស្រង់សាកសពបានម្នាក់រងរបួស៣នាក់បញ្ជូនទៅមន្ទីរពេទ្យ និងឮថានៅក្នុងឡានដែលលិចក្នុងទឹកនៅមានម្នាក់ទៀត។បើតាមសម្តីអ្នកឃើញហេតុការណ៍បានប្រាប់ថាសុទ្ធតែលោកសង្ឃបន្លំកាយជិះឡានដើរលេង។